Кромидот ситно го сечкаме. Колбасите ги сечеме на тркалца. Киселата зелка ја миеме со жешка вода до посакуваната киселост. Во сад додаваме малку масло и ги додаваме кромидот и колбасот. Малку посолуваме и пржиме додека кромидот не се спушти и додека колбасот наместа не порумени. Ја додаваме киселата зелка, црвениот пипер, црниот пипер, лаворовите листови, јаворовиот сируп и солта. Пржиме најмалку 5-10 минути за да се запече и зелката и наместа да добие румена боја. Додаваме вода и покриено вариме 35-40 минути. Во вода со маталка го додаваме брашното и му го додаваме на јадењето. Вариме неколку минути за да се згусне сегединот. Потоа по вкус го досолуваме, додаваме црн пипер и послужуваме.

Пријатно!